Tanwydd
Gall biliau cyfleustodau fel nwy, trydan a dŵr gymryd rhan fawr o’ch incwm.
Mae yna ffyrdd a restrir isod i’ch helpu i leihau eich biliau, ond os oes angen help arnoch chi, cysylltwch â ni neu galwch draw i Hyb am fwy o wybodaeth.
Biliau Nwy a Thrydan
Gall biliau cyfleustodau fod yn uchel iawn a gallant gymryd llawer o’ch incwm.
Os ydych mewn dyled gyda’ch bil nwy neu drydan, cysylltwch â’ch cyflenwr gan fod llawer o gynlluniau’n cael eu cynnal i helpu pobl mewn dyled. Gallwn eich helpu hefyd i wneud cais.
National Energy Action (NEA) – yr elusen tlodi tanwydd cenedlaethol
Mae NEA yn cynnig cymorth ar gyfer ystod o faterion sy’n gysylltiedig ag ynni gan gynnwys newid cyflenwyr, helpu gyda dyled tanwydd, gwneud cais am gronfeydd ymddiriedaeth, effeithlonrwydd ynni a chyfraddau dŵr.
Ffôn 0800 304 7159
Taliadau Tywydd Oer
Taliad o £25 am bob cyfnod 7 diwrnod rhwng 1 Tachwedd 2024 a 31 Mawrth 2025 pan fo’r tymheredd yn is na 0 gradd Celsius. Mae taliadau’n cael eu gwneud yn awtomatig i gyfrifon banc.
I fod yn gymwys mae’n rhaid i chi fod yn derbyn budd-dal prawf modd yn ogystal ag amodau eraill.
Taliadau Tanwydd Gaeaf 2024
Taliad untro i’ch cyfrif banc i helpu gyda chost biliau tanwydd. Os ydych chi’n gwpl, dim ond un taliad sy’n cael ei wneud.
- £200 os cawsoch chi neu’ch partner eich geni rhwng 23 Medi 1944 a 22 Medi 1958
- £300 os cawsoch chi neu’ch partner eich geni cyn 23 Medi 1944
Cymhwysedd – Rhaid eich bod wedi cael eich geni cyn 23 Medi 1958 a’ch bod yn derbyn:
- Credyd Pensiwn
- Credyd Cynhwysol
- Lwfans Cyflogaeth a Chymorth yn Seiliedig ar Incwm
- Lwfans Ceisio Gwaith yn Seiliedig ar Incwm
- Cymhorthdal Incwm
- Credyd Treth Plant/Credyd Treth Gwaith
Rhaid eich bod wedi bod yn derbyn y budd-dal hwn yn ystod yr wythnos gymhwyso, sef 16 a 22 Medi 2024.
Bydd taliadau’n cael eu gwneud yn awtomatig. Os ydych chi’n gymwys, byddwch yn cael llythyr ym mis Hydref neu fis Tachwedd yn dweud wrthych faint y byddwch yn ei gael, gyda thaliadau’n cael eu gwneud ym mis Tachwedd neu fis Rhagfyr.
Ffôn 0800 371 0160
Gostyngiad Cartrefi Cynnes 2024
Mae Gostyngiad Cartrefi Cynnes yn ostyngiad untro o £150, wedi’i dynnu oddi ar eich bil trydan. Mae hyn yn awtomatig – nid oes rhaid i chi wneud cais. Os ydych ar fesurydd rhagdalu, bydd eich cyflenwr yn dweud wrthych sut i gael y gostyngiad os ydych yn gymwys.
Cymhwysedd – Mae’n rhaid i chi fod â chyflenwr trydan uniongyrchol ac yn byw mewn eiddo domestig cymwys. Nid yw’r cynllun hwn yn cynnwys Cartrefi Parc na’r rhai sy’n cael eu bilio am drydan gan drydydd parti.
Grŵp Craidd 1
- Y rhai a oedd yn derbyn Credyd Credyd Pensiwn ar 11 Awst 2024
- Dim meini prawf ynni na meini prawf cymhwyso eraill
Grŵp Craidd 2
- Rhaid i chi fod yn derbyn budd-dal prawf modd ar 11 Awst 2024
- Rhaid i’ch cartref fodloni’r Meini Prawf Costau Ynni Uchel
Ffôn 0800 731 0160
Cynllun Tanwydd Uniongyrchol
Os ydych mewn dyled gyda biliau tanwydd, efallai y gallwch ad-dalu’r ddyled hon trwy gael swm sefydlog a gymerwyd yn uniongyrchol o’ch budd-daliadau, yn hytrach na gosod mesurydd rhagdalu.
Dylech siarad â’r Ganolfan Waith neu’r Gwasanaeth Pensiwn a fydd yn cysylltu â’ch cyflenwr ynni. Gallwch ofyn hefyd am dalu bilau parhaus yn uniongyrchol o’ch budd-daliadau.
NYTH
Yn darparu cyngor diduedd am ddim i sicrhau eich bod ar y tariff ynni a dŵr gorau, gostwng eich ôl troed carbon, gosod technoleg carbon isel a gwirio hawl budd-daliadau.
Gallai cwsmeriaid fod yn gymwys i gael gwelliannau ynni-effeithlonrwydd cartref megis:
- Inswleiddio
- Pwmp gwres
- Paneli solar
Ffôn 0808 808 2244
Cynllun Inswleiddio Prydain Fawr (ECO+ gynt)
Mae’r gwelliannau ynni-effeithlon sydd ar gael trwy’r cynllun hwn yn cynnwys:
- Insiwleiddio Waliau Ceudod
- Insiwleiddio’r Atig
- Inswleiddio dan y Llawr
Mae gan bob cynnyrch ei feini prawf ei hun, gan gynnwys os ydych chi’n berchennog cartref neu’n denant, yn ogystal â buddion ac incwm cymwys. Mae hefyd yn dibynnu ar y math o eiddo rydych chi’n byw ynddo.
ECO4 LA Flex
Mae cyllid ar gael ar gyfer mesurau ynni-effeithlonrwydd gan gynnwys inswleiddio waliau ceudod, inswleiddio waliau allanol a thermostatau clyfar.
Cymhwysedd
Mae’n cynnwys bod yn derbyn budd-daliadau cymwys, bod ag incwm cartref o lai na £31k a byw mewn cartref ynni-aneffeithlon.
Mae Cyngor Caerdydd wedi ffurfio partneriaeth ag EON ar gyfer darparu ECO4 LA Flex.
Ymddiriedolaethau Ynni a Chronfeydd Cymorth i Gwsmeriaid
Gallant eich helpu i:
- Dalu dyledion nwy ac ynni a dyledion cartref eraill e.e. ôl-ddyledion rhent, dyledion y dreth gyngor
- prynu eitemau hanfodol e.e. peiriannau golchi a choginio.
- cynnig mathau eraill o gymorth ariannol megis ynghylch blaendaliadau a chostau angladd
Dylech wirio a yw’ch cyflenwr ynni yn cynnal cynllun. Os ydyw, gallwch wneud cais ar-lein, neu gallwn gyfeirio cwsmeriaid at ein partneriaid am help i lenwi’r ffurflen.
Os nad yw’ch cyflenwr yn rhedeg cynllun, efallai y gallwch wneud cais i British Gas Energy Trust.
OFGEM
Y rheoleiddiwr ynni sydd hefyd yn darparu cymorth a gwybodaeth. Ceir gwybodaeth hefyd am wneud cwynion am eich cwmni ynni.
Dŵr Cymru
Os ydych ar incwm isel, os oes teulu mawr gennych neu os oes anableddau neu gyflyrau iechyd gennych sy’n golygu eich bod yn defnyddio mwy o ddŵr, efallai y byddwch yn gymwys i gael bil dŵr is.
Os ydych mewn dyled ddifrifol i Dŵr Cymru, gallwn eich helpu i wneud cais i’w cronfa cymorth i gwsmeriaid er mwyn helpu i leihau’r hyn sy’n ddyledus gennych os na allwch wneud hyn eich hun.
Gwasanaethau Blaenoriaeth
Os oes gennych fabi, salwch sydd angen dŵr, anawsterau golwg neu glyw, neu rydych yn oedrannus neu’n anabl, gallwch gael cymorth ychwanegol. Mae Cofrestr Gwasanaethau â Blaenoriaeth Dŵr Cymru yn golygu eich bod yn cael help gyda:
- Cyflenwad dŵr arall os nad oes cyflenwad dŵr arferol gennych
- Ffyrdd eraill o gael gwybodaeth
- Tawelwch meddwl yn erbyn galwyr ffug
Cyngor ar arbed ynni
- Gall newid 1 bath bob wythnos am gawod 4 munud arbed hyd at £11 i chi y flwyddyn.
- Gall golchi eich dillad unwaith yn llai bob wythnos, llenwi eich peiriant golchi dillad bob tro (gan osgoi ei orlwytho) a golchi ar 30⁰C arbed hyd at £28 i chi y flwyddyn (cofiwch y gallai fod angen tymheredd uwch arnoch i olchi dillad brwnt).
- Gall gwefru eich dyfeisiau pan fydd eu batri’n agos at 0% a’u datgysylltu ar ôl cyrraedd 100% arbed hyd at £60 i chi y flwyddyn.
- Gall berwi dim ond y dŵr sydd ei angen arnoch / defnyddio tegell llai o faint arbed hyd at £8 i chi y flwyddyn.
- Gall diffodd y golau pan nad ydych yn yr ystafell, ni waeth am ba hyd, arbed hyd at £20 i chi y flwyddyn.
- Gall diffodd dyfeisiau nad ydych yn eu defnyddio wrth y wal a pheidio â’u gadael yn y modd gorffwys arbed hyd at £55 i chi y flwyddyn.
- Gall gwefru eich dyfeisiau pan fydd eu batri’n agos at 0% a’u datgysylltu ar ôl cyrraedd 100% arbed hyd at £60 i chi y flwyddyn.
- Gall berwi dim ond y dŵr sydd ei angen arnoch / defnyddio tegell llai o faint arbed hyd at £8 i chi y flwyddyn.
- Dylech droi’r gwres ymlaen dim ond pan fydd ei angen arnoch. Mae’n well troi’r gwres ymlaen a’i ddiffodd yn gyson na’i fod ymlaen o hyd.
- Defnyddiwch thermostatau unigol ar gyfer pob rheiddiadur yn ogystal â’r prif thermostat ar gyfer y cartref cyfan. Gall sicrhau bod y thermostat ar reiddiaduron yr ystafelloedd nad ydych yn eu defnyddio mor aml, fel y cyntedd ac ystafelloedd gwely, wedi’u gosod ar dymheredd is, fydd yn golygu na fyddant yn parhau i wresogi ar ôl cyrraedd y tymheredd hwn, arbed hyd at £85 i chi y flwyddyn.
- Mae symud dodrefn i ffwrdd o reiddiaduron yn caniatáu i’r gwres symud o amgylch yr ystafell yn fwy effeithlon.
- Trowch y gwres ar flaen boeler cyfunol lawr i 55⁰, sef y gwres derbyniol cyfartalog. Po boethaf yw tymheredd y boeler, y mwyaf o ynni mae’n ei ddefnyddio.
